SUNDAY & SABBATH

    - Lanu Elisha Aimol, Editor, Chongsem
    (continuation  from last edition...)

    SUNDAY:
    1. Sunday hi alut:
    Keini rang nga ko  Sunday hi alut tak ani. Sunday ko  Puma athi-a anphut athui khiirna nikhua ha ani. Keinining Bible la athianga kan en kaarra kan mu. Enrei, “ajaarra ko mirakip hi siatna kan nei verjui, Pathian lianpuina (Lurna) tenna ranak neilui kanni” (Romans 3: 23) Adam le Eve ning siat achul tenhan, thina Tuhr hining meikhurra kumsoht ah amongti omluiya miring thavahng ngaai hi alui choi. “Tak-ha Pa, Pathian ha manpaak rei. Aman THINA anamantor jui, kan Puma Jisu Khrista jiang tenna” (1Cor. 15:57) “Othina! Nangin nator liana honmo a om? O thina! Nangin namanmangtorna natuhr honmo a om? Thina ranak ko siatna tenna ani hale siatna ranak ko chenadahn tenna ani.”

    (1Cor.15:55-56) Jisu ning nithum changna  hapta khat ah aphutna nikhua (Easter Sunday) athuikhihr ni ten na thinahi ator jui. Hale keini jiang thuikhiir na anapehk jui, Jisu tak ngaai ngaaijiang Thina tuhr ning nator laima. Ha jaara Sunday hi keini Christian jaarra alut ani. (Rev. 1: 5) “….firstborn from the death,……”

    2. Ejaara mo Keini ning Saturday niluiya Sunday ya Pongkansak ah chubei kanbuk?
    i. New Testament Tak ngaai mi rakip Old Testament Daan chongpehk a ommasing. (Romans 6:14; Galatians 3:24-25; 2 Corinthians 3:7,8, 11, 13; Hebrews 7:12). {Lungsiat tak a Bible la naphehn penang napa peru.} “nikaruk hi Pathianin irakip hi aluisin tak-ha ni sari changna-va Pongkansakna  aluinei. Hava jaarra Pumaning Sernikhua (Saturday/ Sabbath) nikhua hi athiang ke tia phual aluipehk.” (Exo. 20:11)
    aninom Jisu ning  Sernikhua (Saturday/Sabbath) ni angkhat hin chaang billa athiamruai ngai le anlui lohn hava phat-lai han athiamruai ngai-in chabor anluisik tan, takha Pharisees ngaining Jisu jiang  hinga hin anlui ti, “enro nathiamruai ngai ning Sernikhua (Sabbath) ah daan na adiklui antho hi,” tia anlui ri. Tak-ha Jisu ning anmani jiang alui shang “David ning nikhat araalmi ngaai le anvon aluichahm laiphat tak han Abiather  thiampulian jiang bulom (Tal) aluilam, hiva bulom (Tal) hi Thiampu ni luiya adang tu angkhat jak innom chaak joht lui, daan ning johtlui ha aluini tak-ha David jak chaakluiya David le ahong kanruai araalmi ngaai ham aluiman chaak.” hale hi nga hinnom aluiti, “Sernikhua (Saturday/Sabbath) rang jaarra miring asin nimak  tak-ha miring rang jarra Sernikhua (Saturday/Sabbath) asin ke.” (Mark 2: 27). 
    ii. Jisu ahong tenna Sunday ni chuanlut atam tak asuak. a. Jisu ning hapta khat ah aphut ni nikhua (Sunday) va athui khiir.(Matthew 28:1; Mark 16: 1; Luke 24:1; John 20:1), b. Amaning veikhat Sunday tenna ni kariatni (8) ni Sunday hina thiamruai ngaijiang akando ret (John 20:26 kjv), c. Ratha thiang ahongchum ni (Pentencost) ha Sunday ke. (Acts 2:1), 7 week (49 days) after eater Sunday.
    d. Hapta khat ah aphutna nikhua va Thiamruai ngaining Puma khalaikhang rang nga anlui hong kanchun Paul ning Pathian rochi aluiri. (Acts 20:7)
    e. Hapta khat ah aphutni nikhua hin nanreng nga sum le sial avier avier chomru tetru, tia Paul ning ati (1Cor. 16: 2)
    f. Pumani hin (Sunday) Jisu ning athiamruai Johan jiang Patmos Island na athiang nga chongpehk na anei. (Revelation 1:10).

    1. Maan lai Church council la kanjohtna alui om

    Kum 363 AD, ya Canon 29 tia council of Laodicea ning Jewish ngai Sabbath Saturday ya thorang hi aluida., takha chuan sin jot tia luiri na anluinei hale Puma ni (Sunday) ni hin Pongkansak rang nga anlui kanjot. encouraged Christians to work on the Saturday and rest on the Lord's Day (Sunday).

     
    © 2017 Aimol Baptist Association. All Rights Reserved. Support by Lunglai Services!