BRIEF BIOGRAPHY OF CHONGOM MANGTHOI AIMOL

    By: Pastor Unapal Baptist Church
    Jisu’n ati, “Kei thuikhir nale ringna ha kani, tu angmi ning keihi tak ana ngai inko athi innom aring khir rangke ani” (John 11: 25) Pu Chongom Mangthoi Aimol hi 1955 kumma Unapal khosuhnga nai aluichang hale 2016 kumma ramual tenna pongkansakna aluinei ani. Unapal khua hi Chandel Distrist, Manipur sunga a-om ani. Amahi adang takngai insuhnga nai aluichang taak – ha Pathian lungsiat jaarra ama jiang nga om Pathian chongthiang hi aluitung jaarra 1969 ah Christian changna aluinei, hale 1972 han Baptized aluitho ani. Amahi Chongom Dewanbum Aimol leh Lanu Reineikham (Khampi) ning annei nai malli suhnga anni changna ani.

    Aphat nukjui-a 1974 kumma Serto Sumsutngaak Aimol Chingnunghut leh inpahlna aluinei han Pathian in pasal nei anni le numei nai anthum hi phual pekna aluinei ani. Nai ngai hako; 1. Thangkhuplian, Pastor Unapal Baptist Church, ABA 2. Lomish, 3. Shinte, 4. Achong, 5. Rengkhupthang, hi anni. Anai ngai hi lairik alui mankanchu ver ha chungnung nga anai matum tak Rengkhupthang hi Pathian lungsiatna jaarra Theology tianga Master of Divinity (M.Div) hi amantor ani. Ama aringkhua ah riya atam ningsatpui omkhat ko, Pathian ning arengram lian naranga ama hijom Unapal Baptist Church hin chuan sinnarang nga aluikuisuak ani. Hava jarra han lamkei tianga lamkei ijiat changna aluinei ani, ha ngaiha ko: 1.Unapal Baptist Youth President – 1972 2. Unapal Baptist Church’s Secretary 1975 – 1980 3. Unapal Women Society President 1981 – 82 4.

    Unapal Baptist Church Head Deacon 1983 5. Unapal Baptist Church Pastor 1984 – 86; 1989 – 91; 1998 – 2009 Jet rang khat ko amahi kum 15 Unapal Baptist Church hin Pastor aluichang ani hijak niluiya Unapal Baptist Church rochi ah atunkhan hin asot –asei tak Pastor achanghi ama alani. Aman Belram selpu khat changna athiang ngaidonna le lungdo aneina chunga Pathian ning amahi ranak liantak ah aluineiman. Pathian ning aneiman jarra Church Building athar hijom 1998 kumma sinphutna aluinei halle 22nd April, 2016 kumma sinsuana aluineipui ani. Hivahi ama ning alui thona, alui pongna jaarra ara ha ani. Pathian ha asahng tak- ah manpahk rei. Hi ngai hijack nilui-a Unapal Village Authority jamke chuan hijiat putna aluinei. Hangai hako: 1. Pasa kariat = 2000 tenna 2. Urungbu = 2007 3. Village Auditor – 2008 – 2009 Veikhat ret Aimol Baptist Association (ABA) tianga omke chuan aluisin miring khat aluini, ama’n aluisin chuan ngaihako:

    1. ABA Hymnal 2nd Edition Committee – 2003 2. ABA Assembly Vice-President 2013 – 2015 Pu Chongom Mangthoi Aimol hining aringa adam lai han Unapal khua hanga nirase church tianga nirase thawing tiang le taksa tianga nirase liannarang le kansownna tiang nga nirase along aluilut jak niluija aluikanchella chuan ijiat aluisin kantikarra adik luiko leininoning. Pu Chongom Manthoi Aimol hi alomnu ning nimal 11th May, 2015 ah ramual amahk leh kanruai-a ama omke nimal 4th June, 2016 ah miring keini rakip anamahk ah chungvan ram rang nga aluichejui ani. Ama’n aring lai adam lai aluisin, alui pongpuina, aluitho chuansat rakip kanngaidon theinimasing halle ariamma mangma. (L) Pr. Chongom Mangthoi Aimol Arochi abongte hi apa mirakip nanchunga Pa Pathian ning amongti bui phual ha anapek changrase. Christa ming nga Amen. Ringkhua hiko Pathian takeh! Apasal nai anni:
    1. Chongom Thangkhuplian Aimol, Local Pastor
    2. Chongom Rengkhupthang Aimol , B.A., M.Div.

    © 2017 Aimol Baptist Association. All Rights Reserved. Support by Lunglai Services!