ARIANGJAK NING PONGTHENGMA UH

    By: Elvish Lanu Audiologist & Speech Language Pathologist (ASLP)

    Tuanlai han Ariang Pasal pa khat alui om, hiva Pasal pahi Innsuhng pohng khodengtheija vakanthui miring ankhat aluini.... Hale amahi mi ang nga Lairick (lekha) luivahkanchu tormak’’’ ajarrako an Inn suhnghi Natsat, Lunat in abomde..... Hivah pasal hi asap, achim arual, ang nga Puan dhear (dresses) asat ah keirang tiangrang luinei torma. Asap ngaining School Puankok (bag) anpehlla school la anlui che, chingna, vaarna, theina, thiamna aluikanchu, Taak ha hivah pasal pako school luichetormak, ajarrako Jingtiang athuiretle Luipuhk ah Langkual lek ah pheitom suhnghan Arr... arr...  ti.ti.. tija kanhialla alui om.  Luihual phoi phahan luihual aphoi Akutpha, akutsim vun achet khanna alui khahng Chahng ve, chahng luak pha han nom siraht Gari alek ah, Bora arik arik adomma Anu, apa ngaining charanak leilui ha aluimankuak pe,  hawa mi ngaai chongsiah dunglui narang nga hivah pasal pahining aluitho. 
    Tahk-ha hiva pasal pa hining suhnna chuanchin ache nom ahong kiir le jahnchimma ko achim arual ngaai mankan jetluiya Pitual shit ah lairik pa luibahng ma. Lungrilla kanhuat atam alui raht, jihng nga ranga tia angaaidon lui bahng ma. Alungsuhng nga mile ri siat atam aluinei. Ankhat om Pathian chitjakna akhehl la ahongjet, Pathian hi luimasua chil ma.
    Atuhn ko luipuk ah arr,arr, ti..ti.. atipa ha Pathian ning alungsiat jaarra Office kalla Kolom (pen) alekjui. Hiva pasal hining Pathian jetle kanruaija alungsuhng nga asap arual achim phahk mak jotmak tija risiat atho jaarra a kanhuatna raht jarra ara ha akhomjui. 
    Keiko kariang tija lungsihnna  neimaroh, keiko kan inn suhnghi kanpohng tija omhuilui natak chung nga man ommaroh.. Nasap ngaile nuisiam, parsiam ma kanbiak, kantop theiha nina thoroh.  Aimol Chong rakhen khat ah om ha theini marei, “Lii, in lii changthengmak”  tihi jetrei nangin ningaaidon nithojoht chuanha nalung suhnga  tet-tit ro,  kasap ngai in antor inko keijom kator tihi nalungsuhng nga Pathian jet le kanruaija manngir titroh. Suailuiya nathotor rang ke. Amen 
    © 2017 Aimol Baptist Association. All Rights Reserved. Support by Lunglai Services!