CALVARY CROSS, THISEN HOSPITAL

    - Pasho, Chief Aimol Tampak.

    Jisu le Cross kansenjohtma Jisu tak ngaai mirakip inom cross hi kansenpui johtma. Keinin kanput cross hi phurrik nima, khokhong (Curse) kantung nima, keini ankhat khat in kanchoi cross hi keini kan Pathian chena lampui ina manjetna cross ha ni.

    Jisu takngaai rakip in andom rang cross hi amathial atam. Tu-angkhat in Natsat, Ritong khodengtheina cross anput, mi avier rin insuhng kansual kansen na jaarra cross  anput, Mi avier in lungdo tungluija anlim kan sihrra cross anput, Ruphai, Sana, Sum le sial avat jaara khodeng theina cross anput. Tu angkhat in anke ankut kiak jaarra cross anput, Nu le pa, ommak jaarra anchap ah cross anput, Hale ompui sangram thia ankansen na jaarra, cross anput.

    Hiva Cross phurrik hi kanhringkho hin bahng saluiya kanmurang ke, tak ha Jisu jiang kan enna kanche inko, kanphurrik hi, ijanghiai rangke.  Jisu’n hiva phurrik rakip nek ah arik phur ha Calvary cross chung nga achoi sojui. Atorjui.

    Luk 14:27 ankhat om Matt. 11:28 na Jisu’n ati,  “Across domluiya ka nuk najuilui amaha kei kami nima” Phurrik pelngai keijiang hongru, kei’n nanphurrik ha namanjahng pe kati. Jisu le kanruaiya chesuamrei, Puma Jisu le chesuamrei. Calvary cross ah thisen, Calvary Hospital Belramte thisen abial rakip in (Salvation) Kansanringna anmurang ani.

     
    © 2017 Aimol Baptist Association. All Rights Reserved. Support by Lunglai Services!